අමතක නොවන මතක

මකනකොට සමහර මතක
නොමැකෙනව ඇති..
ඉතිං තදින්ම, මකන්න ගිහින්
හිතම හූරගන්නව ඇති...

අකමැතිම වැස්ස වහිනකොට
නොතෙමී බේරෙන්න දුවනවා ඇති..
අපේ හදවත් තෙමුණ හැටියට,
මේක මොකද්දැ'යි නුඹ තෙමෙනවා ඇති...

ලියපු කවි පිටු ගණන් මේසෙ උඩ
සීතලට ගැහෙනවා ඇති..
ඒත් ඒ ගැන වගක් නැතිවම,තවම
මගෙ කවියෙ අඩු වචනල නුඹ හොයනවා ඇති...

යනෙන කොට මග දිගට සමහර තැන්,
උවමනාවෙන් බලනවා ඇති..
බලපොරොත්තුව නැති උනත්,
ඒ හැමතැනකම මං ඇති...

වෙනද වාගෙම ආසම කෝපි එක,
නොබී සීතල වෙන හැටි...
හිතම කොඳුරන මගෙ රහස් ඔක්කොම,
වැස්ස නුඹ හොරෙන් අහන් ඉන්න ඇති...

නොකිව්වත් මිනිසුන් හිඳී තාමත්
පාට කරන්න හීන නැතී...
ජීවිතේ හිස් තැනක් ,
මැරෙනකන් පුරවන්න බැරී....